A NOSA TRADICIÓN
“Na aldea de Xián, as mans e o tempo conservan sabores únicos: galletas feitas ao lume, viño heroico e pan de forno de leña.”
Galletas de Xián
As Galletas de Xián son herdanza viva dunha receita única, transmitida de xeración en xeración, entre casas e veciños, coma quen comparte un segredo precioso. Antano facíanse a man, entre dúas pranchas de ferro sobre o lume da lareira, cando o tempo ía amodo e o cheiro doce enchía a cociña. Hoxe consérvase esa mesma receita, co mesmo sabor, coa mesma alma. Son máis ca un doce: son memoria, identidade e orgullo da aldea.
«Un ferro quente,
unha receita sen papel
e o arrecendo do tempo
pegado á roupa
como fariña en man antiga.»
Viño da Ribeira Sacra
Nas ladeiras vertixinosas que abrazan o Miño, o viño cultívase dende tempos monásticos con esforzo heroico e paixón pola terra. A Ribeira Sacra garda unha tradición vitivinícola milenaria, onde cada vendima é unha loita contra a pendente e a recompensa é un viño cheo de carácter, feito a man, coa alma das ribeiras.
«Hai uvas que non medran na terra,
senón no peso da pendente,
no silencio das ladeiras,
no sangue das mans que soben
sen que as vexa o sol.»
Pan de forno de leña
En moitas aldeas galegas, o pan cocíase en forno de leña, con fariña do país, masa nai e tempo lento. O seu arrecendo era sinal de día grande. Cunha codia firme e miga densa, era alimento, era rito e era memoria. Aínda quedan casas coma Casa Fente onde se conserva esa maneira de facer, onde cada fornada sabe a verdade.
«Algo se forma no oscuro,
entre o calor que respira lento
e a espera que non mide o tempo.
Cada xesto é herdanza,
nesa quietude antiga.«
